မိဂဒါဝုန်မှဆည်းလည်းသံ (အနတ္တလက္ခဏသုတ်)

ရှုထောင့် အမျိုးမျိုး ရှိသည်။ ခန္ဓာ ငါးပါးကို အတ္တ အနေနှင့် ရှုမြင် သည်လည်း ရှိ၏။ ခန္ဓာ ငါးပါးကို ကြောင်းကျိုး နိယာမ အနေနှင့် ရှုမြင် သည်လည်း ရှိ၏။ ကြောင်းကျိုး နိယာမ မှ အလွတ် ဖြစ်သော တရား (နိဗ္ဗာန်) ကို ရှုမြင် သည်လည်း ရှိ၏။

ခန္ဓာ ငါးပါးကို အတ္တ အနေနှင့် ရှုမြင် သောအခါ ခန္ဓာ ငါးပါး သည် သာယာဖွယ်၊ နှစ်သက် မြတ်နိုးဖွယ် ပုဂ္ဂိုလ်၊ သတ္တ၀ါ အနေနှင့် ထွက်ပေါ် လာသည်။ ဤ ရှုထောင့် မှာ ကြိုးကို မြွေထင်၊ မြွေကို ကြိုးထင် သည်နှင့် အတူတူပင် ဖြစ်သည်။ လောက ၏ ကြောင်းကျိုး နိယာမကို ဆန့်ကျင်၍ အိပ်မက် နေခြင်းသာ ဖြစ်၏။ အိပ်မက် ထဲတွင် တွေ့ရှိရသော ကောင်းနိုး ရာရာ များကို သိမ်းပိုက် ရမည် ဟုလည်း ထင်မြင် ယူဆလေ့ ရှိသည်။ ယူဆသည့် အတိုင်းလည်း သိမ်းပိုက်လေ့ ရှိသည်။ အဟန့် အတား ကြုံလာလျင်လည်း ဖြစ်သည့် နည်းနှင့် နှိပ်ကွပ် သိမ်းပိုက်၏။ ထိုသူမျိုး သည် မိမိ ကိုယ်ကို ဗဟိုပြု ကြည့်မြင်သည့် ရှုထောင့်နှင့် လောက၌ ရပ်တည်နေခြင်းဖြစ်သည်။

ထိုသူမျိုးကို သိမ်းပိုက်တတ်သူများဟူ၍ ခေါ်ဆိုကောင်းခေါ်ဆိုနိုင်ပါမည်။

ခန္ဓာ ငါးပါးကို အရှိ အတိုင်း(ကြောင်းကျိုး နိယာမ အတိုင်း) ရှုမြင်လျင် ခန္ဓာငါးပါး သည် သာယာဖွယ်၊ နှစ်သက် မြတ်နိုးဖွယ် မဟုတ်။ အသုံး ချဖွယ်၊ စတေးဖွယ် ဓမ္မ တရားများသာ ဖြစ်၏။ ဤ ရှုထောင့်မှာ လောက နိယာမ အတိုင်း အိုတတ်သည့် သဘောကို အိုတတ်သည် ဟု လည်းကောင်း၊ နာတတ်သည့် သဘောကို နာတတ်သည် ဟု လည်းကောင်း၊ သေတတ်သည့် သဘောကို သေတတ်သည် ဟု လည်းကောင်း ပြတ်သားစွာ ရှုမြင်ခြင်း လည်း ဖြစ်သည်။ ထိုအခါ ကောင်းနိုး ရာရာများကို သိမ်းပိုက်ခြင်း ၌ အရသာ မတွေ့။ အိုတတ်၊ သေတတ်၊ နာတတ် သော မိမိခန္ဓာ အတွက် အိုတတ်၊ သေတတ်၊နာတတ် သော တရားများကို သိမ်းပိုက်၍ မည်သည့် အရသာ ရှိမည်နည်း။ လောက အတွက် ပေးဆပ် ခြင်းဖြင့်သာ အဓိပ္ပါယ် ရှိစွာ ကုန်ဆုံး အပ်သည် မဟုတ်လော ဟုယူဆသည်။ ထိုအခါ ကောင်းနိုးရာရာ များကို ရှာဖွေ ရခြင်း၏ ရည်ရွယ်ချက် သည် သိမ်းပိုက်ဖို့ မဟုတ်။ စွန့်လွှတ်ဖို့ ဖြစ်သည်။

ထိုသူမျိုး သည်ကား လောကကို ဗဟိုပြုသည့် ရှုထောင့်နှင့် လောက၌ ရပ်တည် နေခြင်း ဖြစ်သည်။ ထို သူမျိုးကိုမူ "စွန့်လွှတ် တတ်သူများ"ဟု ခေါ်ဆိုကောင်း ခေါ်ဆို နိုင်ပါမည်။ ထိုသူများ သည် "လွတ်မြောက်ပြီး သူများ" ဖြစ်ရန် ကြိုးစား နေသူများလည်း ဖြစ်ပါသည်။

အချို့သော သူများကား "လွတ်မြောက်ပြီး သူများ"တည်း။ ထိုသူတို့ သည်ကား လောက၏ ကြောင်းကျိုး နိယာမ ကိုလည်း မြင်သည်။ ကြောင်းကျိုး နိယာမမှ အလွတ်(နိဗ္ဗာန်) ကိုလည်း မြင်၏။ လောက သည်လည်းကောင်း၊ သိမ်းပိုက်မှု သည် လည်းကောင်း၊ စွန့်လွှတ်မှု သည် လည်းကောင်း "သဗ္ဗေသင်္ခါရာ ဒုက္ခာ" အရ စင်စစ် ဒုက္ခ ချည်းသာ ဖြစ်ကြောင်း သိမြင်၏။ အကယ် စစ်မှန်သော ချမ်းသာ ဟူသည် နိဗ္ဗာန်သာ ဖြစ်ကြောင်း သိမြင်၏။ ဒုက္ခ၏ အကြောင်းရင်း လောဘကို ရှာဖွေ ဖြတ်တောက် ထားသူ များတည်း။ ထိုသူမျိုး များမှာမူ အရိယသစ္စာကို ဗဟိုပြုသည့် ရှုထောင့်နှင့် လောက၌ ရပ်တည် နေခြင်း ဖြစ်ပါသည်။ ထိုသူမျိုးများကို "လွတ်မြောက်ပြီး သူများ" ဟူ၍ခေါ်ဆိုရသည်။

ပဉ္စ၀ဂ္ဂီ ငါးပါးသည် မူလက သိမ်းပိုက် တတ်သူများ ဖြစ်ကြသည်။ မိမိတို့ဘ၀ အတွက် အသက်မွေး ရာ၌ သိမ်းပိုက်ခြင်းကို မူဝါဒ အနေနှင့် ချမှတ် ခဲ့သည်။ သို့သော် ဘုရား အလောင်းတော် နှင့်တွေ့သောအခါ စွန့်လွှတ် တတ်သူများ ဖြစ်လာကြသည်။ ဘုရား ပွင့်တော်မူရေး၊ လောကအတွက် တရား အကျိုး ပြုနိုင်ရေး အတွက် တစ်တပ်တစ်အားမှ ကူညီ စွန့်လွှတ် ခဲ့သူများ ဖြစ် လာသည်။

ဓမ္မစကြာ တရားတော် ကို နာပြီးသော အခါ၌ကား ပဉ္စ၀ဂ္ဂီ ငါးပါးသည် တစ်ပိုင်းတစ်စ လွတ်မြောက် သူများ ဖြစ်သွားသည်။ သူတို့သည် ဤ အတိုင်းနေလျှင် ခုနစ် ဘ၀နှင့် အပြီးတိုင် လွတ်မြောက်မည် ဖြစ်သည်။ သို့သော် မြတ်ဘုရား သာသနာ၌ အားအင် အလုံးစုံကို ထုတ်၍ လောက စီးပွားကိုလည်း အစွမ်းကုန် ဆောင်ချင် သေးပါက အပြီးတိုင် လွတ်မြောက် အောင် ကြိုးစား ရမည် ဖြစ်၏။

သို့ဖြစ်၍ မြတ်ဘုရား သည် "ရူပံ ဘိက္ခဝေ အနတ္တာ" အစချီသော အနတ္တလက္ခဏ သုတ်ကို ဟောကြားတော် မူရ၏။ အနတ္တ လက္ခဏသုတ် အဆုံး၌ မူ ပဉ္စ၀ဂ္ဂီ ငါးပါးသည် လောက စီးပွားကို အစွမ်းကုန် ဆောင်နိုင်သည့် "အပြီးတိုင်လွတ်မြောက်ပြီး သူများ" ဖြစ်လာကြ ပါသည်။ ဤသို့ဖြင့် ဘုရား ရတနာ၊ တရား ရတနာ၊ သံဃာ ရတနာတို့ သည် ဓမ္မစကြာ သုတ်တော် နှင့် ပြည့်စုံရန် အစပျိုးပြီး အနတ္တလက္ခဏာသုတ် တရားတော် နှင့် အလုံးစုံ ပြည့်ဝသော အဖြစ်ကို ရသည်ဟု ဆိုကောင်း ဆိုနိုင် ပါသည်။

"ရဟန်းတို့ .ရုပ်တရား အပေါင်းသည် အစိုးမရ အလိုသို့ မလိုက်သော အနတ္တ အမှန်ပင် တည်း။ စင်စစ် ရုပ်တရားသည် အလိုသို့ မလိုက်ပါဘဲ ကျင်နာခံခက် နှောင့်ယှက် ဖောက်ပြန်ခြင်း ငှာ ဖြစ်၏။ "ငါ၏ ရုပ်သည် ဤသို့ ဖြစ်ပလေစေ၊ ငါ၏ ရုပ်သည် ဤသို့ မဖြစ်စေလင့်" ဟု စီမံ ခန့်ခွဲ၍ မရနိုင်။..

ထို မမြဲ ဆင်းရဲ သောရုပ်တရားကို ငါပိုင်သောဥစ္စာ၊ ငါ၊ ငါ၏ အတ္တ ဟု မဆင်ခြင် လင့်။ အတိတ်၊ အနာဂတ်၊ ပစ္စုပ္ပန်၌ ဖြစ်သော ရုပ်တရား အပေါင်းကို ငါပိုင် မဟုတ်၊ ငါမဟုတ်၊ ငါ၏ အတ္တမဟုတ် ဟူ၍ ဆင်ခြင်အပ်၏။

ထို့အတူ ဝေဒနာ၊ သညာ၊ သင်္ခါရာ၊ ၀ိဥာဏ် တရား တို့ကို လည်း ငါပိုင် မဟုတ်၊ ငါမဟုတ်၊ ငါ၏အတ္တ မဟုတ် ဟူ၍ ဆင်ခြင် အပ်၏။

ထိုသို့ အနိစ္စ၊ ဒုက္ခ၊ အနတ္တ လက္ခဏာ ကို ရှုမှတ်လျင် အနှစ်သာရ ကို မတွေ့ဘဲ ပျင်းရိ ငြီးငွေ့ မုန်းလာမည်။ ငြီးငွေ့လျင် မတွယ်မတာ မသာယာ ကိလေသာ ကို ဖြတ်မည် ။ကိလေသ၀ဋ္ဋ်မှ လွတ်မည်။ လွတ်ပြီဟု သိသောဥာဏ် ဖြစ်မည်။ ထိုအခါ ဘ၀သစ် အဖြစ်မစဲ အသစ်အသစ် ရမှု အစတုံး ကုန်ဆုံးခဲ့ပြီ။ မြတ်သော အကျင့် ကျင့်သုံးခြင်း ပြီးဆုံးပြီ။ သစ္စာ လေးသွယ် ပြုဖွယ် ဟူသမျှကို ပြုပြီး ဖြစ်သည်။ ဤပစ္စုပ္ပန် ခန္ဓာမှ တစ်ပါး သော ခန္ဓာ အစဉ်သည် ကင်းပြတ် ကုန်ကြွေခြင်း ရှိမည် မဟုတ် တော့"


မိဂဒါဝုန်မှ တရား ဆည်းလည်း သံသည် ပြည့်စုံခြင်းသို့ ရောက်ချေ ၏။ ပဉ္စ၀ဂ္ဂီ ငါးပါးသည် အရဟတ္တမဂ်ကို ရချေပြီ။ လောက အကျိုး ဓမ္မ အကျိုးကို အဆင့် အမြင့်ဆုံး ဆောင်ရွက် နိုင်သည့် အားအစွမ်း ကို ရချေပြီ။

မိဂဒါဝုန် သည် တရား အလင်းဖြင့် လင်းလေ၏။ မကြာမီ မိဂဒါဝုန်မှ တရားအလင်း သည် နှစ်ပေါင်းများစွာ အမှောင် ဖုံးခဲ့ရသော လောက တစ်ခွင်သို့ တစ်စတစ်စ ပျံ့နှံ့တော့မည် ဖြစ်ပါတော့ သတည်း။

ကိုးကား
http://anattalakkhana-sutta.blogspot.com/
ဘ၀အကျဉ်းသား-ဦးရွှေအောင်