ခင်ဗျားစည်းရုံးမှုကို ကျွန်တော်စိတ်မ၀င်စားတာ ဘယ်သူ့အပြစ်လဲဗျာ

Election နီးလာတာနဲ့အမျှ အဲဒီမေးခွန်းရဲ့ အဖြေကို တိုးတိုးပြီး စဉ်းစားနေမိတယ်။ နီးဆို ရောက်လည်းနေပါပြီ။ ကိုယ်ကလည်း မကြုံဖူးတော့ စိတ်ဝင်စားပါတယ်။ မေးကြည့်တော့ ကိုယ်လိုလူစပ်စုတွေ အများကြီး။ လူစပ်စုတွေက အရာရာ စိတ်ဝင်စားတယ်။ လူစပ်စုတွေကို စိတ်မ၀င်စားရဘူးလို့ပြောလို့လည်း ရမှာမဟုတ်ဘူးလေ။ မရတော့ စိတ်မ၀င်စားပါနဲ့လို့ ပြောတဲ့လူကလည်း ကိုယ်လိုလူစပ်စုမျိုးကျ လက်လျှော့ထားတယ်။

စိတ်မ၀င်စားတဲ့လူတွေကလည်း ဘာမှကို စိတ်မ၀င်စားဘူး။ ဒါပေမယ့် သူတို့ပြောသလို Election သက်သက်ကိုသာ ကွက်ပြီး စိတ်မ၀င်စားတာတော့ မဟုတ်ဘူးလို့ တွေ့ရတယ်။ Election ကို စိတ်မ၀င်စားနဲ့လို့ ပြောတာကိုပါ စိတ်မ၀င်စားတာ။ ဘယ့်နှယ် သားရေး၊ သမီးရေး၊ စီးပွားရေးနဲ့ဗျာ။ Election မကလို့ အီလက်ရှင်ဘိုးအေလည်း စိတ်မ၀င်စားအားဘူး၊ အဲ. အီလက်ရှင်ကို စိတ်မ၀င်စားပါနဲ့လို့ ပြောတာတွေကိုလည်း စိတ်မ၀င်စားဘူး။ စိတ်ဝင်စားပါလို့ ပြောတာလည်း စိတ်မ၀င်စားဘူး။ စကားမတတ်တော့ ဒီ့ထက်ရှင်းအောင် မပြောတတ်တော့ဘူး။ သူငယ်ချင်းတွေ ပြောကြသလိုပေါ့ "စိတ်မ၀င်စားဘူး ဆိုတဲ့လူကလည်း ဘာမှကို စိတ်မ၀င်စားတာဗျ"ဆိုပါစို့။ အဲ.. အဲဒါက အရှင်းဆုံးပဲ။ ဘာမှကို စိတ်မ၀င်စားတာ။ လေလှိုင်းထဲ ဂျာနယ်ထဲခဏခဏ ကြားနေရသလို ကွက်ပြီး စိတ်မ၀င်စားတာမျိုးတော့ မဟုတ်ပေဘူး။ အဲဒါကြောင့် ဂျာနယ်ထဲရေးသမျှ မယုံလေနဲ့ပြောကြတာ။ (ညာတာလားဆိုတော့လည်း ညာတာတော့ မဟုတ်ဘူး။ အချက်အလက်ကတော့ အဟုတ်ပဲ။ ကောက်ချက်ကျမှ ကိုယ်လိုရာလေး ဆွဲထည့်လိုက်တာ။ ညာတာပါတေးဆိုပါတော့။)

စိတ်ဝင်စားအောင်လုပ်တာနဲ့ ပတ်သက်လို့ စဉ်းစားတဲ့အခါကျတော့ စာရေးတဲ့ကိစ္စနဲ့ ဆိုင်အောင် တွေးလည်းရမယ် ထင်တယ်။ စာပေ အမျိုးအစားချင်းတော့ ကွာတာပေါ့လေ။ အပျော်ဖတ်စာပေကိုတော့ လူဖတ်များတာပေါ့။ သုတေသန စာပေမျိုးကျတော့ လူဖတ် မများဘူး။ ဒါပေမယ့် သုတေသန စာပေမှာတောင် ချိန်ရွယ်တဲ့ သီးသန့် ပရိသတ် (ပညာရှင်)စိတ်ဝင်စားလောက်မယ့် အနှစ်သာရတော့ ပါသင့်တာပဲ။ ဒါမှမဟုတ်လည်း ချိန်ရွယ်တဲ့ပရိသတ်ကို တစ်ခုခု ပေးပြီး စည်းရုံးရတာပါပဲ။

ဖတ်ချင်အောင် စည်းရုံးလို့မရရင် လက်ဆွဲပြီး ခင်ဗျား ရေးထားတဲ့ စာဖတ်ခိုင်းမလားလို့ မေးတော့ "ဟောဗျ အဲလောက်ထိတော့လည်း မစဉ်းစားထားမိဘူး။" "ဒါဖြင့် စိတ်မ၀င်စားနိုင်မှန်းသိရင် ဘာလို့ရေးနေသေးတုန်း" ဆိုတော့ "ဆရာ့ဆရာကြီးတွေ ပြောသလို ရေးချင်လို့ရေးတာ ယားလို့ရေးတာဗျာ" လို့ ဖြေလိုက်တော့ နားအေးသွားရော။ နိုင်ငံရေးမှာရော အဲသလိုရမလား မသိဘူး။

macroscopic လောက မှာလည်း uncertainity တန်ဖိုး (Δx or Δp or Δwhatever) ကို ကြီးကြီးမားမားလေး ဖြစ်စေမိချင်ပါရဲ့။ surlealists တွေလို နှင်းဆီဆူးတွေကနေ ဒိုင်းလွှားကာ လေးမြှားတွေ ဖြစ်လာလေမလား၊ စကားလုံးလေးတွေက ရေတံခွန်လေးတွေ ဖြစ်လာမလား စိတ်ကူးယဉ်ကြည့်ချင်တယ်။

သို့သော်

ဆင်ခြင်တုံတရားအရ present ကို သိရင် future ကို သိတယ်ဆိုတဲ့ နယူတိုနီယန်ဖစ်ဆစ်ထဲက Determinism ကို လက်လွှတ်လို့ မရဘူး။ ကွမ်တန်မက္ကင်းနစ် ဘယ်လောက် နာမည်ကြီးကြီး တင်းနစ်ရိုက်ရင်တော့ သုံးလို့ မဖြစ်သေးဘူး။ ဘောလုံးက ညာဘက်လာမှာကို ဘုရားရှိခိုးပြီး ဘယ်ဘက်က သွားစောင့်နေလို့ နေရာကျမယ်မထင်ဘူး။

2 plus 2 equals 4 ("2+2=4" )

အဲတော့ မေးခွန်းကို ပြန်ကောက်ရရင် စိတ်မ၀င်စားတာ ဘယ်သူ့အပြစ်လဲဗျာ..။ ဟော.. အောက်က ပရိသတ်ကြီးက ဖြေချင်နေကြပြီ။ ဘာတဲ့.. ခင်ဗျားက မကြားရလို့ပါ..ဟုတ်လား။ ကျွန်တော်လည်း မကြားလိုက်ရပေါင်။ ကိုယ်စောင့်နတ်ကို မေးပြီး ကြားလိုရာသာ ကြားကြပေတော့။