၂၁ ရာစု အာရောဂျံ ပရမံ လာဘံ

လူရယ်လို့ ဖြစ်လာလျှင် စိတ်ရောဂါနှင့် ကင်းတာ ရှိမှ ရှိပါ့မလားဟု ထင်လာမိသည်။ သွက်သွက်ခါပြီး ရူးနေသည် မဟုတ်ပေမယ့် ဟိုဘက်ကြည့်တော့လည်း Narcissistic personality disorder၊ ဒီဘက်ကြည့်တော့လည်း Attention Seeking Behaviour နှင့် Histrionic Personality Disorder၊ Antisocial personality disorder နှင့်။ အချက်အလက်များနှင့် ဆန်းစစ်လေ့လာချက်များကို အင်တာနက်မှသာ ရယူရသဖြင့် အင်တာနက် ဒွန္နယာကြီးသည်ပင်လျှင် Psychopath တို့အား ပေါက်ဖွားပေးရာ နေရာလောဟု တွေးထင်မှားလာမိသည်။ ကိုယ်ချည်း ထင်မှတ်မှားတာလားဆိုတော့ ကိုယ်ချည်းပဲတော့ မဟုတ်။ ဥပမာ အားဖြင့် Tim ရေးခဲ့သည့် ဆောင်းပါးမှာ ပါရှိသလိုမျိုးပေါ့။ (Click Here) နာဆစ်စစ်ဇမ်နှင့် ပတ်သက်လို့ တင်မ်က အခုလို ကောက်ချက်ချသည်။

___"သေချာသည်ကတော့ အင်တာနက်က ကိုယ်ချစ် အတ္တပေမ ၀ါဒ (narcissism) ကို ဖန်တီးခဲ့သည်တော့ မဟုတ်။ သို့သော်ငြားလည်း ဆိုရှယ်ဝဘ်ဆိုက်များတွင် အတ္တပေမ ၀ါဒကို မြှုပ်နှံထားပါသည်ဟု အငြင်းအခုန် ပြုလိုကြသူ အမြားအပြားရှိရလိမ့်မည်။ ထို့ထက်ပို၍ အန္တရာယ်ကင်းကင်း ကောက်ချက်ဆွဲရလျှင် အတ္တပေမ ၀ါဒ (narcissism)ကို နှစ်သက်သော ပုဂ္ဂိုလ်များသည် အင်တာနက်လူမှုကွန်ယက်တည်း ဟူသော တန်ဆာပလာများကို ပိုမိုအသုံးပြုရန် နီးစပ်သည်ဟု ဆိုသင့်သည့် သဘောရှိသည်။"____

သို့သော် Time Magazine လို သြဇာရှိ မီဒီယာကြီးများကတော့ သတိထားပြီး သုံးသပ်ပါသည်။ "social networking ကို ရုပ်မြင်သံကြားတို့၊ သတင်းစာတို့နည်းတူ media တစ်ခုလိုပဲ သဘေားဖို့ သင့်ပါသည်တဲ့။ အပြင်မှာဆိုးတဲ့ လူကတော့ facebook မှာလည်း ဆိုးမည်။ အပြင်မှာကောင်းရင် facebook မှာလည်း ကောင်းမည်။" ဟုရေးလေ၏။ သို့သော် သူတို့ဆိုလိုချက်ကလည်း အထက်က ပြောထားတာရဲ့ ပြောင်းပြန်အဓိပ္ပါယ်ကို ဆောင်သလိုလိုနှင့် တကယ်တော့ ထူးမခြားနားယူဆချက်ကို သတိထားပြောရုံမျှပဲ ဖြစ်သည်။(Ref:http://wellness.blogs.time.com/2009/12/03/the-psychology-of-facebook-profiles/#ixzz0eIUKjnyp)

မြတ်စွာဘုရားသခင်၏ သဗ္ဗညုတဥာဏ်တော်ကို ပို၍ ကြည်ညိုမိသည်။ ပုထုဇနော ဥမ္မတကော ဟောခဲ့သကိုး။ သက္ကာယဒိဋ္ဌိသည် ပုထုဇဉ်တို့ ရူးသွပ်မှု၏ အခြေခံ အကြောင်းရင်း ဖြစ်ပါမည်။ သို့သော် အီဗော်လူးရှင်းသမားများ ကတော့ တကိုယ်ကောင်းဆန်ခြင်းဟာ လူသားမျိုးနွယ် ရှင်သန်နိုင်ဖို့ ဖြစ်သည်ဟု အဓိပ္ပါယ်ဖွင့်ဆိုကြသည်။ "လူတစ်ယောက်ဟာ သူ့ရဲ့ဆွေမျိုးသားချင်း အတွက် သူ့ကိုယ်သူ စတေးလိုက်တယ်ဆိုတာဟာ သူ့ရဲ့မျိုးရိုးဗီဇအတွက် (သူ့ကိုယ်သူ) အကျိုးပြုလိုက်ခြင်းပဲ ဖြစ်ပါသည်" ဟူသတတ်။(Ref: Evolution by Richard Dawkins, published in 1976.) အန်ဒရူးဘရောင်းကတော့ "တစ်ကိုယ်ကောင်းဆန်ခြင်းဟာ မျိုးဗီဇအဆင့်ကိုရောက်တဲ့အခါမှာ တစ်ကိုယ်ကောင်းဆန်ခြင်းလို့ လုံးဝမဆိုရတော့ဘူး။" ဟု ထပ်ဆင့် ရှင်းလင်းသည်။

အားမနာတမ်း ဝေဖန်ရလျှင် ကျွန်တော်တို့တွင် ရှိသော သက္ကာယဒိဋ္ဌိသည် အမေရိကန်ဦးဆောင်သော ကမ္ဘာပြုယဉ်ကျေးမှု အောက်တွင် ချီးမြှင့်မြှောက်စားခြင်းကို ခံရသည်။ အမေရိကန်၏ ကိုယ့်ကိုယ်ကို အထင်ကြီးတတ်အောင် သင်ကြားပေးသော ပညာရေးစနစ်က တစ်နှစ်ထက်တစ်နှစ် ကုရခက်သော အတ္တပေမဝေဒနာရှင် (narcissistic personality disorders) ပေါင်းများစွာကို မွေးထုတ်ပေးနေသည်။ တချိန်ကတော့ တိုင်းမ်မဂ္ဂဇင်းကြီးတွင် ဘော်လ်ကန်ဇာတ်သွင်းမည့် အမေရိကန် ပညာရေး စနစ်ကို ဝေဖန်သော အက်ဆေးတိုကလေး ပါလာခဲ့သည်။

_____"ယခုပညာရေး စနစ်တွင် ကိုယ့်ကိုယ်ကိုယ် အထင်ကြီးအောင် သင်ကြားပေးရမည်ဟူသော အယူအဆမှာ တစ်ဖက်ပိတ် ရထားလမ်းကို သွားခိုင်းနေသည်နှင့် တူပါသည်။ တကယ့် အောင်မြင်မှု စစ်မှန်သော ပညာသင်ကြားမှုမျိုးဖြင့်သာလျှင် ကိုယ့်ကိုယ်ကိုယ် အထင်ကြီးလေးစားမှုကို ရနိုင်ပါသည်။ နိုင်ငံရေးအရ ဘော်လ်ကန် ဇာတ်သွင်းသလို ပညာသင်ကြားရေးကို အစိတ်စိတ်အမွှာမွှာ ဖြစ်အောင် လုပ်နေသမျှ အမေရိကန်ကျောင်းများသည် ဆက်လက် ညံ့နေဦးမည် ဖြစ်ပါသည်။ ကိုယ့်ကိုယ်ကိုယ် အထင်ကြီးအောင် စိတ်ဓာတ်ကို မြှင့်တင်ပေးရုံဖြင့် ကောင်းလာနိုင်မည် မဟုတ်ပါ။ (ရည်ညွှန်း။ ။ ထက်အောင် ဘာသာပြန် ကမ္ဘာမြေကြီးသည်နတ်ဥယျဉ်မဟုတ် ။ စာ ၁၈)_____

အရှေ့တောင်အာရှသားများကတော့ ဗုဒ္ဓယဉ်ကျေးမှုနှင့် ကြီးပြင်းရသည် များသဖြင့် ထောင်နေသော စပါးနှံနှင့် လဲနေသော စံပါးနှံဟူသော သာဓကစကားဖြင့် အနှစ်ပြည့်ဝသော သူများသည် နှိမ့်ချတတ်ရမည်ဟု သင်ကြားတာ ခံရသည်။ လိုက်နာခြင်းရှိသည် မရှိသည် မည်မျှ အောင်မြင်သည် မအောင်မြင်သည်က တစ်ကဏ္ဍပေါ့။ ကျွန်တော်တို့က စိတ်ကျန်းမာရေးအကြောင်းကို အဓိက ပြောဖြစ်ကြတာသာ ဖြစ်ပါသည်။

အတ္တပေမ (Narcissism) နှင့် တကွသော Attention Seeking နှင့် ယှက်နွှယ်နေသည့် စိတ်ရောဂါသဘာဝများကို ပြောမိကြသောအခါ ဂရိ မိုက်သော်လော်ဂျီ ကလေးကို သတိရမိသည်။ အိုဗစ်(Ovid) ပြောပြသော မိုက်သော်လော်ဂျီထဲတွင် ဆိုက်ဖဆပ်စ် မြစ်စောင့်နတ်မင်းကြီးနှင့် လီရီယိုပီတို့ ပေါင်းဖော်၍ ရလာသော နာဆစ်စပ်အကြောင်း ပါသည်။ နာဆစ်စပ်သည် အသက်ဆယ့်ခြောက်နှစ် အရွယ်တွင် တစ်မြို့လုံးရှိ မိန်းမပျိုအားလုံး၏ ချစ်ကြိုက်ခြင်းကို ခံရသည် ဆို၏။ နာဆစ်စပ်ကတော့ မာနတခွဲသားနှင့် ဘာသိဘာသာ နေခဲ့သည်။ တစ်နေ့ နာဆစ်စပ် သမင်လိုက်သွားရင်း ရေကန်ထဲမှ အရိပ်ကို မြင်ရာမှ သူ့အရိပ်ကို သူ့ကိုယ်သူမှန်းမသိဘဲ မေတ္တာသက်ဝင် သွားသည်။ နောက်ဆုံး သူ့အရိပ်မှ လွဲ၍ မည်သူ့ကိုမှ မေတ္တာမသက်ဝင်နိုင်ဘဲ ရှိနေရမှ တုံ့ပြန်မှုမရှိသော တစ်ဖက်သတ် အချစ်အတွက် သေရရှာ၏။ သူသေသော နေရာ စတစ်ခ် မြစ်ကမ်းပါးတွင် နာဆစ်စပ်ပန်းပွင့်များ ပွင့်လာပြီး ရေကန်ထဲမှ သူတို့၏ အရိပ်ကုန် ကြည့်တုန်းရှိသေး၏။

ကျွန်တော်တို့ အင်တာနက်တွင် ပရိုဖိုင်းများကို နှစ်သက်သလို ဖွင့်ဆိုကြသည်။ မနှစ်သက်သည့် အပိုင်းများကို လွတ်လပ်စွာ ဖြတ်ထုတ်ကြသည်။ မိနစ်ပိုင်းအတွင်း ငါသာလျှင် ငါ့ဘ၀ဇာတ်အိမ်၏ မင်းသားကလေး မင်းသမီးကလေး ဖြစ်သွားကြသည်။ (ဥပမာပေးချင်လျှင် မောင်ရုပ်ဆိုးက အလှတရား ဖြစ်တတ်၏ဟု ယူကြပါကုန်။) မှတ်မိကြဦးမည် ဆိုလျှင် တချိန်တုံးက နာမည်ရှည်ကြီးနှင့် ဘလော့ဂါ တစ်ယောက် ဆက်စီ(Sexy) ခြေထောက် အတုကြီးနှင့် အထင်ကရ ကျော်စောခဲ့ဖူးသည့် အဖြစ်ကို ပြန်ပြောင်းဆင်ခြင်နိုင်သည်။

ဘာပဲဖြစ်ဖြစ် အင်တာနက် ဒွန္နယာကြီးသည် အရာရာကို ဖန်ဆင်းနိုင်သော ထာဝရဘုရားသခင် မဟုတ်သဖြင့် ဖြစ်ရမည်ဟူသော ကြိုတင် ကန့်သတ်ချက်များကို ကျွန်တော်တို့ လက်မခံနိုင်ပါ။ သို့ရာတွင် တချိန်ချိန်မှာ သတိပေးထားချက်များ ဆောင်းပါးများ ထွက်ကောင်း ထွက်လာနိုင်ပါသည်။ ခေတ်ရေစီးကိုတော့ တားဆီးလို့ မရနိုင်ပါ။ ပိုကောင်းအောင် ပြုပြင်ဖို့ပဲ ရှိသည်။

အာရောဂျံ ပရမံ လာဘံ (ကျန်းမာခြင်းသည် လာဘ်တစ်ပါး) တော့ ဖြစ်ပါသေး၏။